NEFYN YN CROESAWU CAPTEINIAID NEWYDD!

Ebrill 2008 – Ym mis Ebrill, croesawyd dau gapten newydd y Clwb am 2008-09. Gordon Smith, brodor o Gricieth gyda graddnod o 11 ac aelod o’r Clwb am 44 o flynyddoedd sy’n ysgwyddo mantell Capten y Clwb, gyda Mrs Janet Brown, aelod am 22 o flynyddoedd yw Capten Adran y Merched. 18 yw graddnod Janet.

Croeso-Golff yn Nefyn!

Dyma gwrs pencampwriaeth 26 twll unigryw gyda golygfa o’r môr oddi ar bob ti; chwaraeir wyth twll ar y Penrhyn enwog sydd wedi bod yn destun niferoedd mawr o ffotograffau dros y blynyddoedd diwethaf. Ar adegau, disgrifir y Penrhyn fel ‘Pebble Beach’ Gogledd Cymru.

Mae’r Penrhyn yn drwyn cul o dir, gyda thraethau euraidd, pentiroedd bychain creigiog a’r môr ar un ochr a thraeth ymestynnol o dywod a thŷ tafarn ar yr ochr arall. I’r dwyrain, gwelir ehangder Eryri ac i’r gorllewin ar noswaith glir mae’n bosib gweld Mynyddoedd Wicklow yn Yr Iwerddon, 57 milltir i ffwrdd.

Mae cwrs Nefyn yn un a gaiff ei fwynhau gan olffwyr o amrywiol safonau gan fod y tyllau eu hunain yn creu'r her i’r golffiwr - ‘mae'r risg neu'r wobr yn ddbynnol ar eich dewrder!’

Estynnwch groeso cynnes i chi i brofi hyfrydwch y cwrs llawn harddwch yma, ei amgylchoedd  gwych a’r croeso dihafal a erys amdanoch.